กลอนลำเหมิดคืน
 "ลำเหมิดคืน" คือการลำตั้งแต่หัวค่ำจนสว่างคาตา ก็ไม่หมดสิ้น กลอนลักษณะนี้จะเป็น กลอนวนไปวนมา ไม่มีจุดสิ้นสุด
นอกจากจะหยุดลำเอาเลย มีตัวอย่างดังนี้
- ลำเหมิดคืนบ่ลำความเก่า พี่สิเล่าเรื่องผ้าผืนเดียว ผ้าผืนเดียวมีเก้ากะเตี่ยว เก้ากะเตี่ยวเกาะเกาะกังกัง ผืนหนึ่งกั้งผืนหนึ่งปูนอนฯ ลำเหมิดคืนบ่ลำความเก่า
พี่สิเล่าเรื่องผ้าผืนเดียว ผ้าผืนเดียวมีเก้ากะเตี่ยว ฯ
- ลำเหมิดคืนบ่ลำความเก่า พี่สิเล่าเรื่องนกกะสา นกกะสาหากินเลียบฝั่ง นกเจ่าตั้งงอยฝั่งจอนจอ งอยอยู่ตอนกเต็นขี้จวก งอยอยู่บวกแม่นนกกะสาฯ
ลำเหมิดคืนบ่ลำความเก่า พี่สิเล่าเรื่องนกกะสา นกกะสาหากินเลียบฝั่ง ฯ
- ลำเหมิดคืนบ่ลำความเก่า พี่สิเล่ากับแก้เข้าโกน กับแก้เข้าโกนโพนโลนหัวออก กำปั้นกูตอกมันหลุบเข้าไป ปุ้มแพยัดมันกัดแพออก กำปั้นกูตอกมันหลุบเข้าไป
ลำเหมิดคืนบ่ลำความเก่า พี่สิเล่ากับแก้เข้าโกน กับแก้เข้าโกนโพนโลนหัวออก ฯ
|
|
