กลอนต่ง

ต้งเจ้าต่งลงต๋งลงตง ลงไปท่งเก็บหอยเก็บปู เก็บได้แล้วคอนมาโก๋กง เทใส่ด้งปูโค้งไต่หนี ต้งเจ้าต่งลงต๋งลงตง สาวขี้อ่งอาบน้ำหนองดง ยามเพิ่นลงป๋าแพป๋าผ้า เพิ่นผู้ซ่าบ่ฮู้แนวใด ปลิงจังไฮแล่นเข้าต่งซิ่น เพราะว่ามันถึกกลิ่นเต่าเพ็กเต่านา ปลิงจับไลปลาฝาฮ้องตายเซาอ่ง ต้งเจ้าต่งลงต๋งลงตง เจ้าอย่าอ่งจำไว้ให้ดี บาดว่าปลิงเข้าหีเต้นอยู่ด่งด่ง ต้งเจ้าต่งลงต๋งลงตง แนวคนอ่งหลงตนลืมตาย ว่าแต่โตงามหลายหลงกายลืมแก่ ลืมพ่อแม่หลงชู้หลงผัว อย่าหลงตนหลงตัวให้จดจำไว้แหน่ ต้งเจ้าต่งลงต๋งลงตง กินบ่จ่งมันพีทางกลาง กินบ่ฮู้จักทางกินหลายท้องแตก เทิงกินเทิงแดกนมหย่อนปานถง มันเลยบ่มีทรงเซาตึงเซาต่ง ต้งเจ้าต่งลงต๋งลงตง กินบ่จ่งท้องแตกคือพราหมณ์ มันเลยเหมิดความงามแม่นบ่ข้อยว่า ต้งเจ้าต่งลงต๋งลงตง ลำขึ้นหน้าโย่งโย่งคนฮ้องคนโฮ ผัดอวดโตโพนโตเอาสาบักใหญ่ เหลียวเบิ่งหน้าเพิ่นไค่คือยักขินี เว้าความจริงอี่หลีเฮ็ดหยังต้องจ่ง บาดเขาหามข้วมท่งลงแขกเรียงคิว ย้านแต่หน้าบีบสิวแก้มเลยเซาต่ง   ขอขอบพระคุณ หมอลำทองลา สายแวว ต.หัวเรือ อ.เมือง จ.อุบลรชธานี