foto1
foto1
foto1
foto1
foto1
ฝนยังไม่หมดแต่ก็เบาบางลงนะครับ หลังจากช่วงก่อนเข้าพรรษาฟ้ารั่วหลายแห่ง หลายจังหวัด จนได้ข่าวว่าที่หว่านข้าวในนาไปโดนน้ำพัดหายไปมากเหมือนกัน เห็นทีจะต้องทำนาดำแทนก็มี ที่ซ้ำร้ายกว่านั้นก็ฝายน้ำล้นพังเกิดความเสียหาย น้ำท่วมบ้าน ท่วมไร่นาไปก็มาก ฝนอาจจะทิ้งช่วงไปในช่วงนี้ในบางพื้นที่ ใครมีสระกักเก็บน้ำก็คงจะช่วยบรรเทาไปได้บ้าง ขอเป็นกำลังให้พี่น้องบ้านเฮาเด้อครับ ช่วยกันปลูกป่า ปลูกต้นไม้เสริมตามหัวไร่ปลายนากันเถอะ ...😭🙏😁

: Our Sponsor ::

adv200x300 2

: Facebook Likebox ::

: Administrator ::

mail webmaster

: My Web Site ::

krumontree200x75
easyhome banner
ppor 200x75
isangate net200x75

e mil

No. of Page View

paya supasit

ju juคันเจ้าได้ขี่ซ้างกั้งฮ่มเป็นพระยา อย่าได้ลืมคนทุกข์ผู้ขี่ควายคอนกล้า

        ## ถ้าได้ดิบได้ดีหรือได้เป็นใหญ่แล้ว ก็อย่าได้ลืมผู้คนรอบข้าง @อย่าลืมบุญคุณคนที่เคยเอื้อเฟื้อเรา ##

klon header

คนอีสานโบราณนั้นนับว่าเป็นคนเจ้าบทเจ้ากลอนอยู่พอสมควร จะเห็นได้จากนิทาน หรือวรรณกรรมพื้นบ้านหลายต่อหลายเรื่อง จะเล่าในลักษณะเป็นคำกลอน อย่าง พญาคำกอง (สอนไพร่) หรือ ท้าวก่ำกาดำ หรือขูลูนางอั้ว ดังนั้นคำสอนของผู้เฒ่าผู้แก่ ปู่ย่าตายาย ก็มักจะออกมาในรูปคำกลอน เช่น

แนวนามเชื้อหอยนาตาต่ำ         ตาบ่สูงดั่งด้ามหอยขว้างบ่วงซะเล
เหมิดที่บุญคนเถ้าสกุลวงษ์ตกต่ำ          สมัยใหม่ปล้ำสกุลเค้าแตกกระเด็น

หมายเหตุ : การอ่านกลอนต่อไปนี้ต้องออกเป็นสำเนียงอีสานจึงจะคล้องจองสัมผัสกันได้ดี คำทุกคำที่เขียนพยายามจะให้ใกล้เคียงกับการออกเสียงมากที่สุด กรุณาออกเสียงตามที่เขียนดูนะครับ

  • กุญชรช้างพลายสารเกิดอยู่ป่า ยังได้มาอยู่บ้านเมืองกว้างกล่อมขุน (ย่า)
  • กุญชรช้างอัศดรคุณมาก ก็หากหายากแท้ทังค้ายบ่มี ส่วนว่ายูงยองฮิ้นฝูงไฮเฮือดไต่ บ่ห่อนขี้ไฮ้หาได้คู่เฮือน (ย่า)
  • กุญชรช้างแนวสูงศักดิ์ใหญ่ ตายย้อนมดแดงน้อยน้อยแนวนั้นก็หากมี โตก็ว่าโตดีแท้ภายเขาผัดแฮ่งยิ่ง โตว่าโตเลิศล้ำเขาพุ้นผัดลื่นโต (ย่า)
  • กากับนกเค้าบ่เข้าฮ่อมแกวกัน หนูกับแมวบ่อยู่นำกันได้ หมีกับไม้ผันทนังค้อป่า จอนฟอนกับเห่าห้อมบ่มื้อสิถืกกัน (ย่า)
  • กินแกงให้เจ้าซอมดูก้างคาคอสิจิ้มยาก ดูกหมูมันสิไปอยู่ค้างกินน้ำสิบ่ลง (ย่า)
  • กินปลาอย่าได้กินไส้ตับไตปอดย่อ คันว่ากินฮอดท้องสิหนาวจ้อยจ่อยโซ ให้กินแต่โตโข้โหล้ตับไตไว้ผู้ใหญ่ ผู้ใหญ่นั้นกินได้คู่อัน (ย่า)
  • กินข้ออ้อนผญาหลั่งไหลมา สิมีปัญญาเลิ๊กลื่นคนทังค้าย (ย่า)
  • เกิดเป็นคนให้เฮียนความฮู้ เฮ็ดซู้หลู้เขาบ่มียำ เฮ็ดซำงำเขาบ่มีย้าน ไปเที่ยวบ้านให้เบิ่งหนทาง คนตาฟางให้หลีกมันก่อน บ่อนผู้ใหญ่อย่าได้ไปแทน ของหวงแหนอย่าได้ไปต้อง ของพี่น้องอย่าได้ไปขอ (ย่า)
  • ของใหม่หลายหลากล้นเพ็งทีปเทียมโพยม ก็ไป่ปุนปานของเก่าเดิมเดียวได้ (ป.)
  • ของดีนี้คนทำยากยิ่ง ของขี้ฮ้ายทำได้ซู่วัน เงินคำแก้วของแพงหายาก เม็ดดินเม็ดทรายมีบ่แพ้ขนถิ้มบ่ถอง (ย่า)
  • ของกินนี้ให้ซอมดูดมดูด คันหากเป็นโทษแล้ววางถิ้มอย่ากิน กินแกงให้เจ้าซอมดูก้างคาคอสิจิ้มยาก ลางเทื่อก้างหากคาหว่างแข้วใผสิจิ้มซ่อยอวน (ย่า)
  • ของบ่เป็นตาจ้ำอย่าจุ่มลงตัก ของบ่เป็นตากัดอย่ากินพวนท้อง ของบ่เป็นตาส้มอย่างมกินสิส้มปาก มันสิยากคอบท้องเทียวขี้ยั่งคืน (ย่า)
  • ข้วมน้ำแล้วบ่ห่อนปลดขัว มีผัวแล้วอย่าลืมคุณพ่อแม่ (ป.)

 

คันสิเอาะอ่อมจ้ำอย่าได้ใส่น้ำหลาย มันสิใสเจงเลงบ่เป็นตาจ้ำ (ย่า)
  • ขุดดินขึ้นเอาเสาลงใส่ ดินเก่าถมถากเข้าหลุมนั้นบ่เต็ม เครือหมากอึหมากฟักเต็มเทิงฮ้านผลยานลงมาย้อยยามย่าง ก็ยังแขวนอยู่ได้เครือนั้นบ่ขาดลง แม่มานกินยังเข้าวันละทะนานสองทะนานก็บ่อิ่ม แต่เป็นสาวจ้อยกินได้ดั่งกัน ขนตาขนคิ้วตัดแถแล้วยังยาวคือเก่า บ่ห่อนยาวลื่นล้นไปได้ดั่งใด (ย่า)
  • คนขาวนี้เหลียวไกลดูอาด หยับเข้าใกล้บ่มีได้อ้ายก่ำกา (ป.)
  • คันได้กินปลาแล้วอย่าลืมปูปะปล่อย ลางเทื่อปลาขาดข้องยังสิได้ป่นปู (ย่า)
  • คันว่าได้ขี่ช้างอย่าลืมหมู่หมูหมา ห่าขโมยมาลักสิเห่าหอนให้มันย้าน ลางเทื่อกวางฟานเต้นนำดงสิได้ไล่ คันมันได้ต่อนชี้นยังสิโอ้อ่าวคุณ (ย่า)
  • คันหากมีสองแล้วบ่กลัวใผอย่าฟ้าวว่า บาดห่าเป็นฮ้างหม้ายสิมาโอ้ใส่เขา (ย่า)
  • คันได้เป็นใหญ่แล้วอย่าลืมคุณพวกไพร่ คันหากไพร่บ่พร้อมสีหน้าบ่ฮุ่งเฮือง (ย่า)
  • คันได้ขี่ม้าแล้วอย่ากั้งฮ่มแฮแถม ย้านเจ้าเพพังตกถืกตอตำต้อง (ย่า)
  • คันหากได้นั่งบ้านเป็นเอกสูงศักดิ์ อย่าได้โวโวเสียงลื่นคนทังค้าย ชื่อว่าเป็นนายนี้ให้หวังดีดอมบ่าว คันหากบ่าวบ่พร้อมสิเสียหน้าบาดเดิน (บ.)
  • คันเจ้าได้ขี่ช้างอย่าลืมหมู่งัวควาย มันหากคูณคนทางต่างกันคนก้ำ ช้างหากดียามเข้าสงครามได้ขี่ ดีเมื่อเข้าเขตห้องนครหลวงกว้างอาจอง (ย่า)
  • คันเจ้าได้ขี่ช้างให้หาแย่งฮองหลัง คันบ่ยองแหย่งลงสิบ่สมทรงช้าง มันสิเสียศรีเศร้าเสียทรงช้างใหญ่ มันบ่โก๋บ่โก้เขาสิต้านกล่าวขวัญ (ย่า)
  • คันได้ขี่ช้างอย่าดังเบิดดังเหิน อย่าได้เสินเสินหัวแหยงสิพานพาฮ้าย (ย่า)
  • คันสิไปทางหน้าให้เหลียวหลังเบิ่งก่อน คันมะลูดทูดเท้าเซาถ้อนอย่าไป (ย่า)
  • คันสิเทียวทางกว้างให้หาฮ่มบังหัว คันสิไปทางไกลไถ่ถงให้มีพร้อม คันสิเทียวทางเวิ้งหาทิงบั้งใหญ่ คันสิขึ้นต้นไม้ให้หาท้างปล่องลง (ย่า)
  • คันว่าฟันขวานค้างอย่าวางใจเถิงเลื่อย มันสิหลงบาดโย้ขวานสิเสี้ยวใส่มือ (ย่า)

 

คันสิถ่มน้ำลายให้หลิงดูปล่อง คันสินั่งย่องย้อให้เหลียวเบิ่งหว่างขา (ย่า)
  • คันอยากได้คู่ซ้อนให้มีผู้ปรึกษา ให้ค่อยปรึกษาขุนหมู่พงษ์พันธ์เชื้อ ให้ค่อยปรึกษาเถ้าขุนกวานพ่อแม่ คันเถ้าแก่บ่พร้อม
    เซาถ้อนอย่าเอา (ย่า)
  • คันคากน้อยยังได้ฮบพระยาแถน ยังได้ครองนครขวางนั่งปองเป็นเจ้า (ย่า)
  • คันบ่ออกจากบ้านบ่เห็นด่านแดนไกล คันบ่ไปหาเฮียนกะบ่มีความฮู้ (ย่า)
  • คันแม่นมีความฮู้เต็มพุงเพียงปาก โตสอนโตบ่ได้ใผสิย้องว่าดี (ย่า)
  • คันแม้นมีความฮู้พาโลเฮ็ดบ่แม่น ความฮู้ท่อแผ่นฟ้าเป็นบ้าท่อแผ่นดิน คือดั่งลิงเห็นแก้วมณีนิลหัวใส่ บาดได้มาแท้แท้ดม
    เหล้นดั่งเม็ดดิน คือดั่งคนบ่สมโส้งเสียทรงผู้ฉลาด คือดั่งคนขี้โม้บ่สมผ้าเพิ่นทาน (ย่า)
  • คันว่าควมเฮาเว้าขมในอย่าได้จ่ม ลางเทื่อขมขี้เพี้ยภายหน้าหากสิดี อย่าได้ติเตียนเว้าผักกระเดาขมขื่น บาดกินกับลาบก้อยสิหลงย้องว่าดี (ย่า)
  • คำปากพ่อแม่นี้หนักเกิ่งธรณี ใผผู้ยำแยงนบหากสิเฮืองเมือหน้า (ย่า)
  • คึดต่อคนตายนี้บ่มีทางสิเห็นไง่ คือดั่งไฟมอดแล้วใผสิฮู้ปล่องไป (ย่า)
  • คุดอยู่ไม้ยังได้ใส่พานคำ นอนิลยังได้อยู่โฮงเทียมท้าว (ย่า)
  • นึกว่าตอคะยูงแล้วแมวสีสังมาโค่น คึดว่าไม้แก่นหล้อนสังมาปิ้นป่งใบ (ป.)
  • คึดว่าตอคะยูงแล้วสังมาเป็นไม้อ่อนเสียนอ กลายเกิดเป็นตอกกล้าเหลาหลิ้มถ่อยผญา แท้นอ (บ.)
  • คันว่ากามคุณกลั้วญิงใดชอบเชื่อกันนั้น ยังเล่าฟังพากย์ถ้อยมันนั้นฮ่ำคนิง (ส.)
  • คึดต่อน้ำห้วยหน้าดีฮ้ายส่องบ่เห็น (ป.)
  • ควายบ่ก้มกินหญ้าแสนสิข่มกะเขาหัก หมูบ่กินฮำแสนสิตีกะดังเว้อ (ป.)
  • ค้อนฮ่ำไค้กลองฆ้องคาดยาม (ส.)
  • คันได้กินลาบก้อยอย่าลืมแจ่วแพวผัก กินพาเงินพาคำอย่าลืมกะเบียนฮ้าง (ป.)
  • ค่อยอดค่อยเอื้อนมันสิได้ต่อนคำ (ป.)
  • คาดสิได้บินมาคือนกเจ่า คาดสิบ่ได้บินเจ้ยเจิดหนี (ป.)
  • เงาะฮูปฮ้ายยังได้กล่อมรจนา ยังได้เป็นราชาซ่าลือทังค้าย (ย่า)
  • เงินคำแก้วหายากนานพบ ลางเทื่อมีในมือเปล่าแปนปานล้าง (ย่า)
  • จวงจันทน์คู้ของหอมหายาก เชื้อเปลือกไม้หาได้คู่ยาม (ย่า)
  • จวงจันทน์คู้ทะลอนหอมแต่มื้อใหม่ มื้อเก่ามาล่วงล้ำจันทน์คู้ก็เล่าเหย (ย่า)
  • จวงจันทน์คู้ทะลอนหอมเหยกลิ่น แมงภู่เผิ้งชมชั้วชอบใจ (ย่า)
  • จวงจันทน์คู้ทะลอนหอมแต่มื้อใหม่ บาดว่ากลั้วกลิ่นส้มชมแล้วก็เล่าเหย (ย่า)
  • จุบุหน้าจันทร์เพ็ญสุทธะแจ่ม บาดว่ายัวรยาตรย้ายใจอ้ายสิขาดดอม (ป.)

 


 

redline

backled1

 

pasit header

ภาษิตโบราณอีสานนี้บางส่วนจะปรากฏอยู่ในคำผญา แต่มีบางส่วนจะเป็นคำกลอนหรือข้อความสั้นๆ ที่มีความหมายให้ได้คิด จึงได้แยกออกมาอีกต่างหาก โดยแยกเป็นกลุ่มๆ ตามความหมายที่กล่าวถึงดังนี้

  1. หมวดปัญญา, หมวดการศึกษา, หมวดบุญบาป, หมวดคบหา
  2. หมวดกิน, หมวดทุกข์สุข, หมวดตน
  3. หมวดคน, หมวดการงาน, หมวดความประมาทและไม่ประมาท
  4. หมวดเบ็ดเตล็ด

 

bulletหมวดเบ็ดเตล็ดbullet


  • ใหญ่บ่ดี พีบ่งาม (ป.)
  • หยังเหยื่อเข้าตาโต (ป.)
  • หยาดน้ำใส่ไหไพ (ป.)
  • หยาดน้ำใส่หีแมว (ป.)
  • อุนอูหน้านามหมาสอนยาก (บ.)
  • อึดจั่งยอม ผอมจั่งปัว (บ.)
  • อิ่มใจดี มีใจกว้าง (ป.)
  • อึดแพ้หลาย ตายแพ้น้อย (ป.)
  • อย่าขี่ช้างตาลอ อย่าข่มคอคนโง่ (บ.)
  • อย่าเว้าก่อนเกิด อย่าสะเดิดก่อนตาย (ป.)
  • อย่าสุกก่อนเหิ่ม (ป.)
  • อย่าขี้งอยขอน อย่านอนดูดยา (ป.)
  • เอาขี้แกลบปกขี้หมา เอาขี้แมวหมกเถ้า (ป.)
  • เอิ้นกินแล่นใส่ เอิ้นใช้แล่นหนี (ป.)
  • เอาลูกเขยมาเลี้ยงพ่อเถ้าแม่เถ้า ปานได้เข้าเต็มเล้าเต็มเยีย (ป.)
  • เอาลูกเพิ่นมาเลี้ยง เอาเหมี่ยงเพิ่นมาอม (ป.)
  • เอาเมียหล้าเป็นข้าลูก เฮ็ดนาหล้าเป็นข้าเข้าปลูก (ป.)
  • อ่อนแพง แข็งเว้น (ป.)
  • เอี่ยนขอเลือดนำกะปู (ป.)
  • อึดน้ำขึ้นภูเขา อึดเข้าเข้าเมือง (ป.)
  • โอกะเอาเข้าเหม้ากะกิน (ป.)
  • อย่าซื้อควายยามนา อย่าซื้อผ้ายามหนาว (ป.)
  • อย่าเอาไก่ป่ามาเป็นไก่ขวัญ (ป.)
  • อยากฮู้สาวงามให้ไปถามพระในวัด อยากฮู้พระเคร่งครัดให้ถามญาติโยม (ป.)
  • อยู่ท่งอย่าสานวี อยู่ดีอย่าถามหมอ (ป.)
  • อย่าผาบป่าให้เสือกลัว (ป.)
  • อย่าจับปูใส่กระด้ง (ป.)
  • อ้วนและพีผู้ดีเพิ่นฮัก เทิงจ่อยเทิงโซผัวโตกะซัง (บ.)
  • อย่าไขห่อเข้าต่อหน้าหมา อย่าไขห่อยาต่อหน้าแขก (ป.)
  • อย่าเชื่อใจทาง อย่าวางใจคน มนจนใจโต (ป.)
  • ฮักลูกสิบนาน ฮักหลานสิบหมื่น (ป.)
  • ฮักเมียเสียญาติ ฮักญาติขาดเมีย (ป.)
  • ฮักอย่าฮักหลายแพงไว้ถ้าซังแหน่ ซังอย่าซังหลายแพงไว้ถ้าฮักแหน่ (ป.)
  • ฮักงัวให้ผูก ฮักลูกให้ตี (ป.)
  • เฮ็ดบ่สมพอได้บ่ได้ ไค้บ่สมพอลั่นบ่ลั่น หมั่นบ่สมพอมีบ่มี (ป.)
  • เฮ็ดนาเหลียวเบิ่งฟ้า เฮ็ดค้าเหลียวเบิ่งหน้าลูกหน้าเมีย (ป.)
  • เฮ็ดตางลี้ ขี้ตางเซามีแฮง (ป.)
  • ฮากไม้สอนขวาน (ป.)
  • ฮูเข้าดีกว่าฮูออก (ป.)
  • ฮูบ่บอกหอกขาย (ป.)
  • ฮุ่นถ้วมตอ (ป.)
  • แฮงปลาค่อ (บ.)
  • แฮ้งคาบมา กาคาบหนี (ป.)
  • ฮ้ายกว่าขี้ ดีกว่าบ่มี (ป.)
  • แฮดีกว่าลั้ว (ป.)
  • เฮ็ดให้สุด ขุดให้เถิง (ป.)
  • เฮ็ดอึ้งตึ้งคือหม่อบ่สาง (บ.)
  • ฮ้ายบ่มีหาดีบ่ได้ (ป.)
  • แฮ่งขี้ฮ้าย แฮ่งตื่มตดเหม็น (ป.)
  • เฮือสิหล้มแฮ่งเหยียบแคม เฮือสิแซมแฮ่งหย้มท้าย (ป.)
  • เฮือนมีผี กะฎีมีพระ (บ.)

 


 

redline

backled1

 

pasit header

ภาษิตโบราณอีสานนี้บางส่วนจะปรากฏอยู่ในคำผญา แต่มีบางส่วนจะเป็นคำกลอนหรือข้อความสั้นๆ ที่มีความหมายให้ได้คิด จึงได้แยกออกมาอีกต่างหาก โดยแยกเป็นกลุ่มๆ ตามความหมายที่กล่าวถึงดังนี้

  1. หมวดปัญญา, หมวดการศึกษา, หมวดบุญบาป, หมวดคบหา
  2. หมวดกิน, หมวดทุกข์สุข, หมวดตน
  3. หมวดคน, หมวดการงาน, หมวดความประมาทและไม่ประมาท
  4. หมวดเบ็ดเตล็ด

 

bulletหมวดเบ็ดเตล็ดbullet


  • สีตาน้ำดังออก สีดังน้ำตาออก (ป.)
  • สั้นขู้หลู้บู๋ป่าหนีเสีย น้อยๆ ยาวๆ ไต่ฮาวมานี้ (บ.)
  • สี้หมาบ่ถามล่าม (ป.)
  • สี้ซ้ำ ปล้ำแพ้ (ป.)
  • สาวแม่ฮ้างหีท่อกาบลาง ย่างนำทางหีดังก่างล่าง (บ.)
  • สมพอกันมันจั่งมันพอกิน (ป.)
  • สุกจั่งเห็น เย็นจั่งบาย (ป.)
  • สุกกับต้นบ่ปานฝานหัวบ่ม เพิ่นบ่มให้บ่ปานเจ้าบ่มเอา (ป.)
  • สั้นข้อหล้อมือยื้อบ่เถิง สูงเจวเลวชั่วสามวาฮิ้น (ป.)
  • สวดจุ้มบุ้มตุ้มบ้านตุ้มเมือง สวดเจ้งเพ้งเด้งพุ้นเด้งพี้ (ป.)
  • สืบฮอยตา วาฮอยปู่ (ป.)
  • เสนาหมากขี้กา (ป.)
  • เสียกหุบหู่พออยู่พอกิน เสียกแพ้แว้แพ้บ้านแพ้เมือง (ป.)
  • เสียงคนดังกว่าเสียงฟ้า (ป.)
  • เสือกะว่าเสือดี หมีกะว่าหมีหาญ ฟานกะว่าฟานกล้า ม้ากะว่าม้าแล่นหัน (ป.)
  • เสือตายเพราะหนัง ช้างตายเพราะงา พระยาตายเพราะราชสมบัติ (ป.)
  • เสือถ้ำเดียวสองโตมักกัดกัน (ป.)
  • เสือได้กินเนื้อย้อนป่าไม้มีหนาม ไม้งามย้อนเสืออยู่ (ป.)
  • ใสช้างเข้าฮูเข็ม (ป.)
  • ใส่บาตรอย่าถามเจ้าหัว (ป.)
  • สาวนมโต้นลงโพนอย่าชะแล่น บาดเจ้าคาดลาดล้มนมสิโต้นกว่าหลัง (บ.)
  • หาญน้ำบ่ดี หาญหีเป็นข้อย (ป.)
  • หามผีตกป่าช้า บ่ฝังกะเผา (ป.)
  • หาบช้าง ซาแมว (ป.)
  • หัวโล้นอยากลำ หัวดำอยากเทศน์ (ป.)
  • เห็นเงินหน้าดำ เห็นคำหน้าเศร้า (ป.)
  • ไหใหญ่ล้น ไหน้อยบ่เต็ม (ป.)
  • หมากัดหนังสิยังคนเทื่อ เบื่อพี่น้องยอย้องเพิ่นดี (ป.)
  • เหล็กกล้าถืกหีนซา (บ.)
  • หนักอย่าเซา เบาอย่าแล่น (ป.)
  • หนักซ่อยกันหาบ หยาบซ่อยกันดึง (ป.)
  • หมามานหู หมูมานขา (ป.)
  • หลมแค่งหา หลมขาสอด (ป.)
  • หลายแต่ไม้ ลำสิใช้บ่มี (ป.)
  • หวานเป็นลม ขมเป็นยา (ป.)
  • หลีกลิงให้ไกลสามศอก หลีกวอกให้ไกลสามวา หลีกคนพาลาให้ไกลสามโยชน์ (ป.)
  • แหวนดีย้อนหัว ผัวดีย้อนเมีย (ป.)
  • หมายไฮ่ให้สุดแสงตา หมายนาให้สุดเสียงฮ้อง (ป.)
  • เหมิดดงยังเหล่า เหมิดเถ้าเก่ายังลูกยังหลาน (ป.)
  • หมาเข้าบ้านให้ด่อมหาง (ป.)
  • เหมิดกล้าแล้วนา (ป.)
  • หมอเหล้าเอามัน หมอชาช้าก่อน หมอฝิ่นหิ่นตรอง (ป.)
  • หมากไม้บ่ห่อนไกลต้น (ป.)
  • หมาโตขบบ่เห่า หมาโตเห่าบ่ขบ (ป.)
  • หมาหางกิ้นหมั่นแกว่ง คนปากแหว่งหมั่นเว้า (ป.)
  • เหล็กกล้าเป็นเหล็กซี คนดีเขาจั่งใช้ (ป.)
  • หมาจอกเห่าช้างเป็นน่าอยากหัว (ป.)
  • หมูเฮ็ดนา หมากินเข้า (ป.)
  • ใหญ่แต่เล้า เข้าบ่มี (ป.)
  • ใหญ่ดีหนาหมั้น ก้นขี้สั้นตดเหม็น (บ.)
  • ใหญ่ย้อนกินเข้า เถ้าย้อนเกิดหลายปี (ป.)
  • เห็นใหม่มักหน้าลืมชู้เก่าหลัง (ป.)
  • เหม็นตดคือเหม็นขี้ เหม็นหีคือเหม็นเยี่ยว (บ.)
  • หมอยบ่มีจักเส้นสังมาเย็นใจอยู่ สังบ่ไปเที่ยวบ้านหาซื้อหนวดแมว (บ.)
  • หมาเห่าช้าง ขนหน้าแค่งบ่ปิว (บ.)

 


 

redline

backled1

 

pasit header

ภาษิตโบราณอีสานนี้บางส่วนจะปรากฏอยู่ในคำผญา แต่มีบางส่วนจะเป็นคำกลอนหรือข้อความสั้นๆ ที่มีความหมายให้ได้คิด จึงได้แยกออกมาอีกต่างหาก โดยแยกเป็นกลุ่มๆ ตามความหมายที่กล่าวถึงดังนี้

  1. หมวดปัญญา, หมวดการศึกษา, หมวดบุญบาป, หมวดคบหา
  2. หมวดกิน, หมวดทุกข์สุข, หมวดตน
  3. หมวดคน, หมวดการงาน, หมวดความประมาทและไม่ประมาท
  4. หมวดเบ็ดเตล็ด

 

bulletหมวดเบ็ดเตล็ดbullet


  • พ่อไฮ่กะจา พ่อนากะเทิน (บ.)
  • พ่อแม่เฮ็ดกับลูกปานน้ำไหล ลูกเฮ็ดกับพ่อแม่ปานไฟมอด (ป.)
  • พวงเหลือเฮือบ่ถืกใจชาวค้า (ป.)
  • เพิ่นหุมโตอย่าโงทางต่าง (ป.)
  • ฟังความเมียเสียพี่น้อง ฟังความท้องแก่มของเฮือน (ป.)
  • ไฟบ่ไหม้ เฮือนใผกะพออยู่ (ป.)
  • แม่มานสี้เท่าออก หัวหงอกสี้เท่าตาย (ป.)
  • ม้อนนอนอย่าเกือ เสือนอนอย่าปลุก (ป.)
  • มีแต่ลมมาเต้า บ่มีฝนจักเทื่อ (ป.)
  • มักหยอกอย่ากลัวหยิก (ป.)
  • มักง่ายได้ยาก ลำบากได้ดี (ป.)
  • มีเงินให้เพิ่นกู้ มีชู้ให้เพิ่นเล่น (ป.)
  • มิดจี่ลี่ ปานกุดจี่ฟังธรรม (บ.)
  • มักยศ อดยัด (ป.)
  • ไม้อ่อนบ่ห่อนหัก (ป.)
  • ไม้ใหญ่หงำนา ขาใหญ่หงำหี (ป.)
  • ไม้บ่ทันแทกด้ามมันสิสั้นก่อนสีน (ป.)
  • ไม้กำแพ้งแมงข้อส่องบ่เห็น (ป.)
  • มีชื่อบ่ผากฎ มียศบ่ลือชา (ป.)
  • มะยุมะยะ ปานขี้พระแกมขี้จัว (บ.)
  • แมงเม่าบินผ่านฟ้า บ่มีม้มปากอึ่งยาง (ป.)
  • แมวบ่อยู่ หนูเฮิง (บ.)
  • ย้านอย่างกา หาญอย่างกา (ป.)
  • ยามไข้เห็นหมอเป็นเทวดา ยามเซาไข้เห็นหมอเป็นหมา (ป.)
  • ย่างนำกันผู้ใหญ่หมาบ่ขบ (ป.)
  • ยามกินบ่เฮียก ยามเวียกเอิ้นใช้ (ป.)
  • ยามดีบ่ให้เห็น ยามเหม็นจั่งได้พ้อ (ป.)
  • ยอมนกหอยอคอจ่อด่อ ยอมนกเค้าตีนปุ้มหากสิหยุม (ป.)
  • ยามซื้ออยากซื้อพอตาย ยามขายอยากขายพอไห้ (ป.)
  • ยศช้างขุนนางพระ (ป.)
  • ยามไปมีของฝาก ยามจากมีของขวัญ (ป.)
  • เย็นปานบักหอยไข้ (บ.)
  • ย้ามเก่า แมวน้อยกินหนู (บ.)
  • ยามเมื่อชลธาน้ำไหลนองท่วมท่ง มดบ่มีบ่อนซ้นปลากั้งอะเห่ยหัว ยามเมื่อชลธาแห้งวังหนองเขินขาด มดกะเจอะกะเจิดเว้าหัวล้อต่อปลา (บ.)
  • แย้บ่ห่อนท่อแขน แลนบ่ห่อนท่อแค่ง (ป.)
  • ย้านหยังบ่ท่อย้านเมีย เสียหยังบ่ท่อเสียเปรียบ เหยียบหยังบ่ท่อเหยียบคน จนหยังบ่ท่อจนปัญญา (ป.)
  • ราชสีห์เต่า แหนงสู้อยู่ที่เก่าเสียดี (ป.)
  • ลูกแทนพ่อ หน่อแทนลำ (บ.)
  • ลูกเขยเฮ็ดสิตาย บ่ท่อลูกชายนอนอยู่บ้าน (ป.)
  • ลูกบ่ฟังความพ่อแม่ ผีแก่เข้าหม้อนฮกเทิงดิบ พ่อแม่บ่สอนลูกเต้า ผีเป้าจกกินตับกินไต (ป.)
  • ลูกเว้ายากพ่อแม่ปากเปียก ลูกโค็ยเสียกพ่อแม่อยากอาย (บ.)
  • ลางเทื่อดี ลางเทื่อฮ้าย ลางเทื่อมี ลางเทื่อไฮ้ ลางเทื่อได้มาแล้วซ้ำผัดเล่าพลอยเสีย แม่นว่าเป็นผัวเมียบ่เชื่อใจกันได้ (บ.)
  • ลาภพระ อาหารเสือ (บ.)
  • ลักแท้แก้แม่น บ่ติดคุกติดตะราง (ป.)
  • เลี้ยงช้างกินขี้ช้าง (ป.)
  • เลี้ยงหมาหวังขบดูก เลี้ยงลูกหวังกินแฮง (บ.)
  • เลี้ยงผู้เถ้านับมือถ่อย เลี้ยงเด็กน้อยนับมื้อฮู้ (ป.)
  • เลือกตามเลือกถืกเผือกตาแดง แยงตามแยงถืกมันหัวซ้อง (บ.)
  • ลิงไวพ้อไม้ดอก (ป.)
  • แลนไวได้สามเหล่า เต่าช้าได้สามหนอง (ป.)
  • แลงงายผีหากแต่ง แอ่งหม่าเข้าหัวเจ้าหากสิทาน (ป.)
  • ว่าโตกระดัดเพิ่นแฮ่งกระด้อ ว่าโตนั่งจ้อก้อเพิ่นแฮ่งนั่งตอ (ป.)
  • เว้าเหล้นเป็นอีหลี ตี่หีเป็นปลาย่าง ขางไฟเป็นปลาปิ่น (ป.)
  • เว้านำหมาหมาเลียปาก เว้านำสากสากวัดหัว (ป.)
  • เว้าต่ำผีย่ำลง เว้าสูงผีจูงขึ้น (ป.)
  • เว้าแหกบ้านมันบ่มีเฮือง เว้าแหกเมืองมันบ่เกินบ่ขึ้น (ป.)
  • ไว้ใจลูก ตาบอดเบื้องหนึ่ง (ป.)
  • เว้านำไทยไฟไหม้ฮ้านหญ้า เว้านำลาวมันยาวมันยืด เว้านำเจ็กกินเล็กกินน้อย เว้านำฝรั่งมันทั่งมันแทง เว้านำญี่ปุ่นมันมุ่นมันมี เว้านำแกวบ่แล้วจักเทื่อ เว้านำเขมรเหนเหเหนเห้ เว้านำส่วยมันส่วยมันแหลม (ป.)
  • แว่นบ่แยง ผมบ่หวี หีบ่ล้าง (ป.)
  • สองผิดบ่แม่น สองแล่นบ่เพียง (ป.)
  • สามปากคิ้วกว่ามอ (ป.)
  • สามปีย้ายเฮือน สามเดือนย้ายบ้าน (ป.)
  • สาวงามแพ้หี พร้าดีแพ้กั่น (ป.)
  • สวรรค์ในอก นรกในใจ (ป.)
  • สิบพ่อค้ามาไหว้พ่อนา สิบพ่อนาบ่ท่ออาชญาเลี้ยง (ป.)
  • สิบบ้านซ่า ห้าบ้านลือ (บ.)

 


 

redline

backled1

 

isan word tip

isangate net 345x250

ppor blog 345x250

adv 345x200 1

นโยบายความเป็นส่วนตัว Our Policy

ยินดีต้อนรับสู่ประตูอีสานบ้านเฮา เว็บไซต์ของเรา ใช้คุกกี้ (Cookies) เพื่อให้ท่านได้รับประสบการณ์การใช้งานที่ดียิ่งขึ้น อ่านนโยบายคุ้มครองข้อมูลส่วนบุคคล (Privacy Policy) และนโยบายคุกกี้ (Cookie Policy)