foto1
foto1
foto1
foto1
foto1
บ่ทันพอได๋หันใจถิ่มกะฮอดปลายปีแล้วเด้อพี่น้อง ทั้งบักพยาธิโควิด-19 ที่บ่ทันจางไป แถวบ้านอาวทิดหมูยังติดอันดับ 10 ของประเทศอยู่เลย หลังจากหมดพายุฟ้าฝนผ่านไปแล้ว ตอนนี้กะฮอดยามหนาววอยๆ มาอีกปี นอนผู้เดียวเปลี่ยวอุราคือเก่า สาวๆ สำใหญ่ส่ำน้อยเพิ่นกะแนมกายอาวทิดหมูคนผู้ฮ้ายไปเบิด แม่ฮ้างแม่หม้ายเพิ่นกะว่าแต่ผู้ข้าสิตั๋วสิต้ม กะเลยบ่ชายตามาหา กะคือสิได้นอนหนาวกอดผ้าห่มอยู่กระท่อมน้อยฮิมมูล หาปูปลาเลี้ยงปากเจ้าของผู้เดียวนี่หล่ะ สู้ๆๆ ต่อไปเด้ออาว!

: Our Sponsor ::

adv200x300 2

No. of Page View

paya supasit

ju juทุกข์บ่มีเสื้อผ้า ฝาเฮือนเพกะพออยู่ ทุกข์บ่มีข้าวอยู่ท้อง นอนลี้อยู่บ่เป็น

        ## ความทุกข์เพราะขาดแคลนเสื้อผ้าที่อาศัยพอทนได้ แต่ท้องกิ่วนี่นอนหลับไม่ได้จริงๆ @ความจนทนไม่ไหว ##

klonlum header

นักร้องลูกทุ่งหมอลำอีกคนที่ยืนยงมายาวนาน ตั้งแต่เป็นสาวส่ำน้อยมีผลงานมานับสิบอัลบั๊ม เธอเงียบหายไปสักพักจากหน้าสื่อ เพราะเธอไปเดินสายในต่างประเทศในช่วงหลายปีที่ผ่านมา แล้วก็กลับมาดังสะท้านทุ่งอีกครั้งกับ "เต่างอย" และนี่เป็นกลอนลำสร้างชื่อในอดีตของเธอ สาวเสียงพิณ "จินตหรา พูนลาภ" เอ้า ยาวๆ ไปพี่น้อง ฟ้อน...

 

รักโผล่โสนแย้ม

   จินตหรา พูนลาภ

 
            (ลำ) สายฝนฮำใบมี้ พี่ทองมีพึ่งหวนโผล่... ดอกโสนมันกำลังสิป่งแย้ม จั่งเห็นหน้า ผู้บ่าวคืน ละนางหลงหยุดสะอื้น (ซ้ำ) นึกว่าพี่มาคนเดียว.... ใส่ชุดเขียวเดินตามหลัง คงแม่นเมียพี่มาพร้อม น้องแห่งตรอม... ทวีกลุ้ม...


            โสนแย้มเดือนหกข้างแรมรักน้องโผล่ หน่วยมากโกจนเหลืองสุกงอมถึงยอมกลับ บ้าน โสนแย้มบานพี่ชายถึงโผล่ จนเกือบบักโมในสวนแห้งเหี่ยว พ่องามขำมีใครมานำ ผมยาวเพียไหล่ ก่อนพี่ไปว่าไม่จีบใครรักน้องคนเดียว โอ้พ่อข้าวเหนียวสัญญาไม่จำ พอมี งานทำใจอ้ายแปรเปลี่ยน (ซ้ำ)


            (ลำ) ใจชายเพี้ยนไวพอปานมั่ง (ซ้ำ) ชังผู้ชายเจ้าชู้ตั่วเล่นม่วนแฮง หรืออ้ายแกล้ง ซ้ำบ่เอวกลม อ้ายเอาหูทวนลมบ่ฟังนางเว้า เอาเมียแล้วควงมาเย้ยหมู่ (ซ้ำ) เห็นเป็นหมู ตี้อ้ายแฟนเจ้าบ่เกรง


            โสนแย้มเดือนหกข้างแรมรักน้องโผล่ ตั๊กแตนโมตัวเล็กจนโตเดี๋ยวนี้บินเก่ง จักสิให้ ฮ้องเพลงอิหยังนอพี่ ก็แฟนฉันมีเมียติดมานำ เป็นเวรเป็นกรรมหนอเราน่าหน่าย (ซ้ำ)


            (ลำ)ฮักเขาฮ้ายนอนแคงนอนจ่ม (ซ้ำ) ส่างบ่สมคิดฮอดตาบอดคักเฮา เห็นหน้าเจ้า นึกว่าสิมีสุข แต่มากลับเป็นทุกข์ห่าตำคนเอ้ย เคยเก็บดอกโสนงามยามป่ง (ซ้ำ) มาเหน็บหู ให้น้องจำได้บ่ชาย เดี๋ยวนี้อ้ายมีใหม่ลืมเฮา คงสิเหน็บหูเขาผู้เดียวโสนแย้ม (ซ้ำ)

 

 

redline

backled1

isan word tip

isangate net 345x250

ppor blog 345x250

adv 345x200 1

นโยบายความเป็นส่วนตัว Our Policy

ยินดีต้อนรับสู่ประตูอีสานบ้านเฮา เว็บไซต์ของเรา ใช้คุกกี้ (Cookies) เพื่อให้ท่านได้รับประสบการณ์การใช้งานที่ดียิ่งขึ้น อ่านนโยบายคุ้มครองข้อมูลส่วนบุคคล (Privacy Policy) และนโยบายคุกกี้ (Cookie Policy)