ศิลปิน : มนต์แคน แก่นคูน
ผลงานกลอนลำ : อำไพ มณีวงษ์
หมอแคน : ยา ฟ้าฮำฮอน

          (เกริ่น)  โอ่ ..... โอ...

          ละจั่งว่าเสียงเอ้ยเสียง เสียงแฟนแฟนอยู่ไกลใกล้
   มาคอยส่งกำลังใจ ได้ฟังแล้วสังมาหม่วน
          (ได้ยินเสียงของแฟนๆ ทั้งไกลใกล้ มาคอยส่งกำลังใจได้ฟังแล้วยินดี)

          ละยังจำไว้เบิ่ดทุกส่วนแฟนหญิงชายอ้ายและน้อง โอ ....
   มาโฮมต้อน บ่ปล่อยวาง น้อล่ะแฟน โอ โอ เอ๋ย .... ละนา
           (ยังจำได้ทุกถ้อยคำที่แฟนๆ ทั้งหญิงชายกล่าวไว้ไม่ทอดทิ้งกัน)

          มาบัดนี้ละว่าโอ้น้อ หลายหลายปีได้ส่อยปั้น น้อส่อยปั้น แฟนผลักดันปั้นให้แม่น
   ละจนมีบ่าวสุดสะแนน แสนดีหลายเพิ่นรับต้อน สะออนเด้ จั่งแม่นบุญ เออะ เอย ...
          (ผ่านมาหลายปีแล้ว แฟนๆ ก็ยังหนุนส่งให้มีบ่าวมนต์แคนอยู่ในใจไม่เคยทิ้ง ขอบคุณครับ)

         ละคิดเห็นคราวตั้งแต่พุ่น น้อแต่พุ่น เทิ้งล้มลุกจนอุกใจ
   เกือบบ่ไหวกะหลายที ว่าสิถอยแล้วยอมแพ้
         (คิดถึงเมื่อแรกเริ่มเป็นศิลปินล้มลุกคลุกคลาน จนท้อแท้แทบถอดใจ)

          บุญผลาบ่พาแย่ แฟนหันแลยื่นมือส่อย แฟนเอ๋ย...
   ดึงมื้อเล็ก ดึงมื้อน้อย จนยืนได้บ่ปล่อยวาง
          (ด้วยบุญหนุนส่ง แฟนๆ ให้กำลังใจ ไม่ทอดทิ้งสักวัน)

          ล่ะขอบคุณจักหมื่นครั้งน้อหมื่นครั้ง บ่มีทดแทนคุณหวิด
   ก่อนเพียงฝันบ่หาญคิดว่าสิมีน้อวันนี้
          (ขอกราบขอบพระคุณแม้หมื่นครั้งก็ยังมิอาจทดแทนคุณที่ช่วยผลักดันให้มีมนต์แคนวันนี้)

          ซึ้งไมตรีจนหลอย...ไห้...  ออนซอนเด้ ออนซอนเด้แฮงใจ สังมา...ล้ำ แท้คุณค่า
    ละแม่เอ๋ย... แม่ ความเมตตาจากพี่น้อง ยังดังก้อง เพิ่นกล่าวถาม เอ๋ย...
          (ซาบซึ้งจนต้องแอบร้องไห้ ดีใจที่พี่น้องเมตตากล่าวขวัญถึง)

          ละกินแล้วบ่ข้าวน้ำ เมื่อยแหน่บ่เดินทางไกล
    มีความหมายบัดยามฟัง เมื่อยกะหายมลายสิ้น
          (แม้คำเล็กน้อย ทานข้าวหรือยัง เหนื่อยไหม ล้วนมีความหมายทำให้ความเหนื่อยล้าหายไป)

         ศิลปินสิยืนได้ ย้อนว่ามีแฮงใจ ให้เดินดั้นและฟันฝ่า
    ด้วยความฮักและศรัทธา แฟนบ่ลาป๋าให้ล้ม บุญยอก้มยกใส่หัว
         (ศิลปินอยู่ได้เพราะมีแรงใจแฟนๆ ช่วยผลักดัน ขอเทิดไว้ในใจเสมอ)

          ละเดินทางไปทุกถิ่นทั่ว น้อถิ่นทั่ว บ่มีลบจากความจำ
    ฝากเสียงลำมาแทนใจ ยังห่วงใยบ่มีเว้น
          (เดินทางไปทั่วประเทศไม่เคยลืมแฟนๆ ขอส่งกลอนลำนี้มาแทนใจที่ห่วงใยกันตลอด)

          แสงตะเว็นยังใส...แจ้ง โอะ โอย...  เปรียบความฮักความแพง บ่มีแล้งดอกคุณค่า
   ละยังตั้งต่อ ยอมือหา ... ปรารถนาหยังให้ได้ โอะ โอ....
    สมใจตั้งต่อประสงค์ น้อล่ะแฟน เอ๋ย ... โอะ โอะ โอ ละ นา ...
          (ดังแสงอาทิตย์สาดส่องฟ้า ความรักความเมตตาของแฟนๆ มีค่ามากมาย ขอให้ผลบุญนี้ย้อนกลับไปยังแฟนๆ ทุกท่าน
            สำเร็จได้ดั่งใจประสงค์)