foto1
foto1
foto1
foto1
foto1
เป็นไปตามที่คาดการณ์ไว้ครับ แล้งลุกลามหนักน้ออีสานบ้านเฮา ทางสุรินทร์ถึงขนาดบ่มีน้ำใช้ในโรงพยาบาล บ่มีน้ำกินในโรงเรียน เด็กน้อยต้องเอาน้ำใส่ขวดใส่กระติกจากบ้านไปกินโรงเรียน หลายๆ หมู่บ้าน หลายๆ จังหวัดเริ่มขาดแคลนแหล่งน้ำทำประปา เห็นมีการจ่ายน้ำเช้า-แลงกันแล้ว ฝนที่ตกลงมาแบบกระปริดกระปรอย บ่ทั่วฟ้า น้ำในนากะบ่พอเต็มบวก ในเขื่อนใหญ่ๆ กะยังบ่ทันมีน้ำ เตรียมตัวหาหนทางแก้ไขกันเด้อครับพี่น้อง อย่านิ่งนอนใจ แล้งคักปีนี้

Our Sponsor

adv200x300 2

Facebook Likebox

IsanGate Radio Online

radio online banner

Administrator

mail webmaster

My Web Site

krumontree200x75
easyhome banner
ppor 200x75
isangate net200x75
paya header

ju ju  เชื้อชาติแฮ้ง เหม็นสาบกันเอง ปูสอนปูให้ย่างตรง ห่อนฤสิทำได้

     ## ตัวอย่างที่เลวหรือจะทำให้ผู้อื่นทำดีได้   ##

klonlum header

ลงานการประพันธ์และลำโดย ไก่ฟ้า ดาดวง ศิลปินนักร้อง นักแต่งเพลงและกลอนลำอีกคนของชาวอีสาน ที่มีผลงานมากมายในอดีต แต่เหมือนสวรรค์นั้นกำหนดให้เขาจากไปก่อนวัยอันควร เหลือไว้แต่ผลงานที่ยังตรึงอยู่ในความทรงจำของแฟนๆ ชาวอีสาน และนี่ก็เป็นอีกหนึ่งกลอนที่ถ่ายทอคเรื่องราวของชาวศรีสะเกษได้ครบถ้วน

kaifah daduang 3

ศรีสะเกษกันเอง

ประพันธ์และลำโดย ไก่ฟ้า ดาดวง

 

โอย... หนอนาง หนอนาง
 ฟังเด้อท่าน ฟังเด้อท่านศรีสะเกษกันเอง
นักเลงน้อยเลงใหญ่ อยู่บ่ใกล้บ่ไกล
ลองไปเที่ยวเบิ่งเด้อ ย่านแต่เก้อ
เห็นเขาเห่อของกิน บักถั่วดิ้นหอมแดง
หน่วยแตงเต็มค้าง

เลยเมืองซ้าง สุรินทร์ไปเติบนึง
เลยเมืองซ้าง สุรินทร์ไปเติบนึง
ฮีบจะเถิงหว่างมุ่ง เจริญรุ่งใหญ่โต
สาวกะโก้ หนุ่มหล่อสวยดี
ด้วยไมตรีสัมพันธ์รักกันดีด้วย

คนสวยอย่าลืมเด้อหล่า
ถ้าว่างเชิญมา อ้ายนี้ขอชวน
ไปเที่ยวเมืองดอกลำดวน จะพาเที่ยวสวนสมเด็จรื่นรมย์
เอวกลมไปเที่ยวชมเมืองบ้าน น้ำตกห้วยจันทน์ หลายชั้นลำธาร
พาขึ้นเขาพระวิหาร เที่ยวเมืองโบราณ
ประสาทขอมมีมา

เชิญเด้อหล้า ชวนกันไปหลํ่า
เชิญเด้อท่าน เชิญกันไปหลํ่า
เมืองขุขันธ์เกี่ยวก้ำ เขมรด้วย ส่วยเยอ
คิดสะเย่อ สาวปรางค์กู่ คนไค
อยากขอไปเป็นแฟนเกี่ยวแขนนำน้อง

ปลาในหนอง มีแต่โตฮาวซ้าง
ยางซุมกะบ่หย่อม
หัวหอมแห้งโค่น ส่ำโพนน้อยคอยดู้
สาวผู้ฮู้ กันทราลักษณ์ ไพรบึง
ดังไปถึงราษี ว่าหล่อนมีใจซื่อ
ถือความเว้า เอาความจริงเป็นใหญ่
ถือความเว้า เอาความจริงเป็นใหญ่
มีน้ำใจเอื้อเฟื้อ จุนเจือให้บ่ลวง
ปลาแดกต่วง โตใหญ่ โตกลม
กันทรารมย์ใจหิน เรื่องกินดังก้อง

เนื้อทอง เคยไปหรือบ่
กินต้มปลาข่อ เมืองอุทุมพร
ผู้สาวหุ่นดีงามงอน ผู้บ่าวหล่อดีสะออน
สาวอุทุมพร สองแก้มจู๊นพูน...

มูลไหลเซื่อม ผู้ลำซีไหลส่ง
มูลไหลเซื่อม ลำซีไหลส่ง
ศรีสะเกษ มะก๊ง มากิ้นเหล้าแข่งกัน
มีแต่ซั้น เซียนใหญ่ เซียนโต
กินเหล้าโท เบิ้ดไห บ่ได้มาคุยโอ้

บ่าวสาวโก้ ในจังหวัดอำเภอ
บ่มีเว่อ มีอ่ง คนบ่โก้งบ่ฆ่า ตี ปล้นฮักกัน
อาชีพนั้น เวียกไห่ ไถนา
ฟังไปๆ มาๆ ม่วนดีเสียงเว้า

เชิญเด้อเจ้า เชิญกันไปเที่ยว
เชิญเด้อเจ้า เชิญกันไปเที่ยว
นั่งรถไฟคืนเดียว
พอแต่ค่ำ ฮอดแจ้ง บ่มีพ้อนักเลง

เสียงเป้งๆ นั่นบ่แม่นเสียงปืน
เสียงเป้งๆ นั้นบ่แม่นเสียงปืน
บ่ต้องยืนเกรงใจ แม่นบั้งไฟพู้นเด้อเจ้า
แม่นบั้งไฟพู้นเด้อเจ้า เออ...

 

จากกลอนลำกลอนนี้เอง ที่ตัดย่อลงมาเป็นเพลง "ศรีสะเกษบ่แคร์" เพลงฮิตอีกเพลงหนึ่งของ ไก่ฟ้า ดาดวง ที่แฟนๆ ต้องขอฟังกันทางรายการวิทยุเสมอ

 

redline

backled1

 

สนับสนุนให้ IsanGate อยู่รับใช้ท่านตลอดไป ด้วยการคลิกแบนเนอร์ไปเยี่ยมผู้สนับสนุนของเราด้วยครับ

isan word tip

isangate net 345x250

ppor blog 345x250

adv 345x200 1