foto1
foto1
foto1
foto1
foto1
บ่ทันพอได๋หันใจถิ่มกะฮอดปลายปีแล้วเด้อพี่น้อง ทั้งบักพยาธิโควิด-19 ที่บ่ทันจางไป แถวบ้านอาวทิดหมูยังติดอันดับ 10 ของประเทศอยู่เลย หลังจากหมดพายุฟ้าฝนผ่านไปแล้ว ตอนนี้กะฮอดยามหนาววอยๆ มาอีกปี นอนผู้เดียวเปลี่ยวอุราคือเก่า สาวๆ สำใหญ่ส่ำน้อยเพิ่นกะแนมกายอาวทิดหมูคนผู้ฮ้ายไปเบิด แม่ฮ้างแม่หม้ายเพิ่นกะว่าแต่ผู้ข้าสิตั๋วสิต้ม กะเลยบ่ชายตามาหา กะคือสิได้นอนหนาวกอดผ้าห่มอยู่กระท่อมน้อยฮิมมูล หาปูปลาเลี้ยงปากเจ้าของผู้เดียวนี่หล่ะ สู้ๆๆ ต่อไปเด้ออาว!

: Our Sponsor ::

adv200x300 2

No. of Page View

paya supasit

ju juทุกข์บ่มีเสื้อผ้า ฝาเฮือนเพกะพออยู่ ทุกข์บ่มีข้าวอยู่ท้อง นอนลี้อยู่บ่เป็น

        ## ความทุกข์เพราะขาดแคลนเสื้อผ้าที่อาศัยพอทนได้ แต่ท้องกิ่วนี่นอนหลับไม่ได้จริงๆ @ความจนทนไม่ไหว ##

klonlum header

กลอนติ่ง

กลอนติ่ง เป็นข้อความเชิงอุปมาอุปไมยที่คมคาย ลึกซึ้ง ชวนให้คิด มีลักษณะทำนองเดียวกันกับกลอนโต้น ไม่ได้เป็นคำสอนโดยตรง เพียงแต่เป็นคำเปรยๆ เตือนสติหรือให้ข้อคิดเท่านั้น กลอนประเภทนี้อาจเป็นคำกลอนคล้องจองกัน อาจเป็นวลีหรือเป็นประโยคก็ได้ อาจจะมีคำหยาบโลนปะปนเพื่อให้เกิคความสนุกสนาน ไม่ง่วงนอนตอนลำช่วงดึกๆ

 

      • ติ้งเจ้าติ่งลิงติ๋งลิงติง
        ติ้งเจ้าติ่งสาวสิงสาวทอง
        ลองไปเหล้นคืนเดียวตดใส่
        ตดใส่แล้วเอาขี้ไล่ทา
      • ติ้งเจ้าติ่งลิงติ๋งลิงติง
        ญิงป๋าซิ่นลงหนองลืมเบิ่ง
        บาดห่าขึ้นจากน้ำปลิงน้อยจ่องฮิม
      • ติ้งเจ้าติ่งลิงติ๋งลิงติง
        สิงหลานเหล้นกลางเวนซิ่นคลี่
        เหลียวเบิ่งหีผู้เถ้ายุมยั้วดั่งถง
      • ติ้งเจ้าติ่งลิงติ๋งลิงติง
        ลิงตกสร้างหางชันกิ่งดิ่ง
        คันขอบ่อซ้วนลิงนั้นส่วนตาย
      • ติ้งเจ้าติ่งลิงติ๋งลิงติง
        ลิงขึ้นไม้เร็วไวปีนป่าย
        จับง่าตายแล้วม้วนลงพื้นแม่นลิง
      • ติ้งเจ้าติ่งลิงติ๋งลิงติง
        ใส่เสื้ออิ่งลืมตุ้มห่อนม
        เขาโจมแล้วนมยานโต่งเหล่ง
        บาดว่าใส่เสื้ออิ้งนมเจ้าบ่ตึง
      • ติ้งเจ้าติ่งลิงติ๋งลิงติง
        ปลิงเข็มน้อยในหมอยลืมเบิ่ง
        บาดห่าพือพกซิ่นมันดิ้นจั่งเห็น
      • ติ้งเจ้าติ่งลิงติ๋งลิงติง
        สิงลูกใภ้บายนมมันเบิ่ง
        ว่าสิโก๋ก่มโก้ยมันนั้นบ่ยอม
      • ติ้งเจ้าติ่งลิงติ๋งลิงติง
        สิงสาวน้อยนอนนานำพ่อ
        พ่อนั้นแม่นพ่อน้ากุมสี้ยั่งคืน
      • ติ้งเจ้าติ่งลิงติ๋งลิงติง
        สิงสาวน้อยนอนนานำพ่อ
        พ่อนั้นแม่นพ่อน้านานั้นอยู่ไกล
        สิงดนหลายเลยเคยเลยคุ้น
        ท้องกะใหญ่อุ้นลุ้นนมหย่อนเตเซ
        เบิ่งบ่อนใดกะเพมันบ่คือเก่า
      • ติ้งเจ้าติ่งลิงติ๋งลิงติง
        งูสิงน้อยบ่คือกับงูเห่า
        บาดได้กินเต่าน้อยมันนั้นบ่ตึง
      • ติ้งเจ้าติ่งลิงติ๋งลิงติง
        สิงน้องเหล้นกลางเว็นลืมเต่า
        เหลียวเบิ่งแมงหมี่เข้าเป็นปุ้มท่อหัว
ขอขอบพระคุณ หมอลำทองลา สายแวว     
ต.หัวเรือ อ.เมือง จ.อุบลรชธานี      

thongla saiwaew

 หมอลำทองลา สายแวว - หมอลำคำปุ่น ฟุ้งสุข

redline

backled1

Loading...

isan word tip

isangate net 345x250

ppor blog 345x250

adv 345x200 1

นโยบายความเป็นส่วนตัว Our Policy

ยินดีต้อนรับสู่ประตูอีสานบ้านเฮา เว็บไซต์ของเรา ใช้คุกกี้ (Cookies) เพื่อให้ท่านได้รับประสบการณ์การใช้งานที่ดียิ่งขึ้น อ่านนโยบายคุ้มครองข้อมูลส่วนบุคคล (Privacy Policy) และนโยบายคุกกี้ (Cookie Policy)