foto1
foto1
foto1
foto1
foto1
บ่ทันพอได๋หันใจถิ่มกะฮอดปลายปีแล้วเด้อพี่น้อง ทั้งบักพยาธิโควิด-19 ที่บ่ทันจางไป แถวบ้านอาวทิดหมูยังติดอันดับ 10 ของประเทศอยู่เลย หลังจากหมดพายุฟ้าฝนผ่านไปแล้ว ตอนนี้กะฮอดยามหนาววอยๆ มาอีกปี นอนผู้เดียวเปลี่ยวอุราคือเก่า สาวๆ สำใหญ่ส่ำน้อยเพิ่นกะแนมกายอาวทิดหมูคนผู้ฮ้ายไปเบิด แม่ฮ้างแม่หม้ายเพิ่นกะว่าแต่ผู้ข้าสิตั๋วสิต้ม กะเลยบ่ชายตามาหา กะคือสิได้นอนหนาวกอดผ้าห่มอยู่กระท่อมน้อยฮิมมูล หาปูปลาเลี้ยงปากเจ้าของผู้เดียวนี่หล่ะ สู้ๆๆ ต่อไปเด้ออาว!

: Our Sponsor ::

adv200x300 2

No. of Page View

paya supasit

ju juทุกข์บ่มีเสื้อผ้า ฝาเฮือนเพกะพออยู่ ทุกข์บ่มีข้าวอยู่ท้อง นอนลี้อยู่บ่เป็น

        ## ความทุกข์เพราะขาดแคลนเสื้อผ้าที่อาศัยพอทนได้ แต่ท้องกิ่วนี่นอนหลับไม่ได้จริงๆ @ความจนทนไม่ไหว ##

klonlum header

กลอนอัศจรรย์

กลอนอัศจรรย์ เป็นข้อความเชิงอุปมาอุปไมยที่คมคาย ลึกซึ้ง ชวนให้คิด มีลักษณะทำนองเดียวกันกับผญา ไม่ได้เป็นคำสอนโดยตรง เพียงแต่เป็นคำเปรยๆ เตือนสติหรือให้ข้อคิดเท่านั้น กลอนประเภทนี้อาจเป็นคำกลอนคล้องจองกัน อาจเป็นวลีหรือเป็นประโยคก็ได้ คล้ายคำถามไปยังผู้ฟังให้ได้คิด เพื่อให้เกิคความสนุกสนาน ไม่ง่วงนอนตอนลำช่วงดึกๆ

 

  • อัศจรรย์หมากมี้ใหญ่ขึ้นสังมาเอิ้นว่า "หน่วย"
    ตั้งแต่ยังน้อยน้อยสังมาเอิ้นว่า "หำ"
  • อัศจรรย์ใจน้ำในหนองบึงสังมาเอิ้น "น้ำท่า"
    บาดน้ำตกจากฟ้าสังมาเอิ้นว่า "ฝน"
  • อัศจรรย์ใจเหม้นขนใหญ่ยาวโตสังจ่อย
    บาดช้างขนน้อยน้อยโตนั้นกะใหญ่สูง
  • อัศจรรย์ใจกุ้งพุงบ่มีสังมาเลี้ยงลูกใหญ่
    อัศจรรย์ลูกไก่บ่กินนมดี้ดี้โตนั้นกะใหญ่สูง
  • อัศจรรย์ใจกุ้งพุงบ่มีสังมาเลี้ยงลูกใหญ่
    อัศจรรย์ใต้พกซิ่นมีลิ้นช่างบ่จา
  • อัศจรรย์ฟ้าฮ้องมองหาบ่เห็นปาก
    บาดปากล่างอี่น้องสังโฮฮ้องโห่บ่เป็น
  • อัศจรรย์ใจม้าแล่นมาซำซำสังมาเอิ้นว่าลูกย่าง
    บาดผู้สาวย่างนำผู้บ่าวแท้แท้สังมาเอิ้นว่า "แล่นนำ"
  • อัศจรรย์ตั้งแต่น้ำไหลล้นชนพังฝั่งตลิ่ง
    บาดว่าของผู้ญิงน้ำไหลออกจ้นจ้นชนได้ช่างบ่พัง
  • อัศจรรย์ฮูหีกับฮูขี้ปีฝนดีเป็นหยังสังบ่ล่วง
    บาดน้ำแม่มูลน้ำแม่ชีกว้างต่อกว้างสังมาฮู้ล่วงเป็น
  • อัศจรรย์ไก่อี่ลายบ่มีนมพอเต้าสังมาเพียรเลี้ยงลูกใหญ่
    บาดคนเฮามีสองเต้าแท้แท้ปานนั้นกะย่อมตาย
  • อัศจรรย์โตม้อนกินมอนสังฮู้เยี่ยวเป็นนอ
    อัศจรรย์ไก่ผู้โจ้นกินน้ำเยี่ยวบ่เป็น
  • อัศจรรย์หมัดเม็นโตน้อยน้อยคอยสำกันจนออกไข่
    ของมันน้อยบ่ใหญ่ยามสำกันจั่งชี้สังแท้จิ่งเห็น
  • อัศจรรย์ไข่เป็ดไข่ไก่เพิ่นเอิ้นว่าไข่เป็ดไข่ไก่
    บาดไข่โค็ยแท้แท้สังมาเอิ้นไข่หำ
  • อัศจรรย์เหลือล้ำเฮือนตั้งสองสามห้องสังนอนกองกันอยู่
    เฮือนหากกว้างต่กว้างสังเทียวขึ้นขี่แต่กัน
  • อัศจรรย์กุญชโรช้างบ่มีหำสักหน่อย
    บาดหมากมี้หน่วยน้อยน้อยสังมาเอิ้นว่า "หำ"
  • อัศจรรย์เหานอนน้ำนำควายใจบ่ขาด
    บาดคนเฮามุดน้ำแต่ละน้อยสังพอม้อยแสม่งตาย
  • อัศจรรย์คำเว้าคนเฮาช่างหาใส่
    ไข่แมงวันแท้แท้สังมาเอิ้นว่า "ไข่ขาง"
  • อัศจรรย์ปากเทิงน้องกินของได้ซู่อย่าง
    บาดว่าปากล่างน้องสังกินได้แต่เอ็น
         
ขอขอบพระคุณ คุณช่วง คุโณ ป.ธ.9 จ.อุดรธานี      
 

รวมต้นฉบับ ลำล่องอัศจรรย์ โดย หมอลำบุญเพ็ง-หมอลำเทียมจันทร์-หมอลำบุญยัง

อมตะหมอลำแผ่นเสียงขี้ครั่ง กลอนงึด อัศจรรย์สำคัญเลิศ ลำเต้ยคู่ ของ หมอลำบุญเพ็ง - หนูทอง - วังสถาน

redline

backled1

Loading...

isan word tip

isangate net 345x250

ppor blog 345x250

adv 345x200 1

นโยบายความเป็นส่วนตัว Our Policy

ยินดีต้อนรับสู่ประตูอีสานบ้านเฮา เว็บไซต์ของเรา ใช้คุกกี้ (Cookies) เพื่อให้ท่านได้รับประสบการณ์การใช้งานที่ดียิ่งขึ้น อ่านนโยบายคุ้มครองข้อมูลส่วนบุคคล (Privacy Policy) และนโยบายคุกกี้ (Cookie Policy)