foto1
foto1
foto1
foto1
foto1
คงคลายความกังวลไปได้ในระดับหนึ่ง จากการระบาดของโควิด-19 จนทางรัฐบาลได้ผ่อนคลายมาตรการต่างๆ ในการป้องกันโรคไปเป็นระยะที่ 4 ที่สามารถดำเนินการกิจกรรมต่างๆ ได้ผ่อนคลายมากขึ้น สามารถเดินทางข้ามจังหวัดไปเยี่ยมยามถามข่าวญาติมิตรได้ทั่วไทย รวมทั้งการเดินทางไปท่องเที่ยวเพื่อให้ระบบเศรษฐกิจไทยได้ฟื้นตัว การงานมีเพิ่มขึ้น แม้จะไม่เท่าเดิมแต่ก็ยังดีกว่าไม่มีการเปลี่ยนแปลง ขอให้พ่อ-แม่พี่น้องสุขซำบายดีเด้อครับ

: Our Sponsor ::

adv200x300 2

paya supasit

ju juการงานนี้ อุปสรรคแสนหมู่ เกิดเป็นคนต้องสู้ อย่าถอยร่นหลีกหนี

        ## ไม่มีอะไรที่สำเร็จและได้มาโดยง่าย จงอย่าท้อถอย ขอให้สู้ต่อไป @โควิด-19 ##

klonlum header

กลอนล่องของ

การลำทำนองลากเสียงยาว เรียก ลำยาว หรือลำล่องของ หมอลำผู้หญิงที่มีเสียงไพเราะ และเป็นหมอลำผู้หญิงคนเดียวที่ลำสู้กับหมอลำคูณหีได้ คือ หมอลำจอมศรี บรรลุศิลป์ กลอนล่องโขงหรือล่องของ ว่าดังนี้

            โอนอ สิได้พรรณนาเรื่องลำโขงยาวย่าน
น้ำมันไหลมาจากเขาทิเบตใหญ่
กว้างเหนือพุ้นล่วงลง
ฮ้อยคดฮ้อยโค้งลำโขงยาวย่าน
พอมาเหลียวเห็นก้ำเมืองหลวงพระบางแจ้งขางข่าย
เห็นแต่ภูเขาตั้งว้ายล้ายเมืองนั้นอยู่กลาง
มันหากเป็นแบบนั้นตั้งแต่ก่อนปางปฐม
เป็นเมืองหลวงของลาวตั้งแต่คราวหลังพุ้น
เหิงนานล้ำหลายปีแถมถ่าย
จึงได้คึดค่อยย้ายเมืองก้ำเก่าหลัง
ลงมาตั้งเมืองหลวงแห่งใหม่
คือเมืองเวียงจันทน์พันพร้าวคราวนั้นต่อมา
เหลียวไปทางเหนือพุ้นเวียงจันทน์ปากน้ำงึ่ม
เห็นแต่ตอนต่อขั้นขันต่อแก้งกระแสน้ำปั่นปิว
เลาะไปตามทิวถ้านโพธารามก้ำบ้านโป่ง
เลาะไปสายแม่น้ำโขงน้ำหั่งไหลต่อซ้งลงแก้งแก่งกะเบา
เฮามาเหลียวไปหน้าดอนทับควงป้องจี่
เห็นแต่ดอนหมากอี่ติดกับดอนปากเจ้าเวินเข้าท่ากะดิง
หลิงไปก้ำดอนนาคำน้ำไหลโซ่
สุดที่โอ๋แล้วโอ้ดีฮ้ายก้ำฝ่ายเหนือ
เห็นแต่เฮือชาวค้าจอดแฮอยู่แคมท่า
เห็นภูผาป่าไม้เขียวสะอื้นแม่นบ่งใบ
ยามเมื่อแลเล็งน้ำตามโขงแจ้งจ่างป่าง
เหลียวไปทางฝั่งซ้ายเป็นบ้านหมู่ผู้ไทย
เหลียวเห็นไม้เลีบล่ำภูชน
คือสิเพพังหักจุ่มจมลงน้ำ
เลาะไปนำโขงกว้างโขตอนตั้งหลายย่าน
เห็นแต่น้ำพัดฟ้งตีต้องตลิ่งเนิน
เห็นแต่น้ำพัดฟ้งตีต้องตลิ่งเนิน ... น้า
เลาะลงไปตามเลี้ยวดอนเสียวเฮียงห่ม
เหลียวเห็นธาตุพนมตั้งอยู่ฮิมแม่น้ำคนไหว้อยู่บ่เขา
หากแม่นธาตุพระเจ้าตั้งแต่ก่อเดิมประถม
เป็นที่เจดีย์สูงหมู่คนถนอมไหว้
กลายลงไปทางใต้ดอนสาปาละแวก
ลมหากตีแหวกน้ำเป็นก้อนไง่ละออง
เห็นแต่อาโปน้ำไหลลงเวินอยู่ปิวปั่น
คันนกหอคันนกยางหมู่นั้นเป็นน่าใคร่สะออน
มันหลากหลายดอนขั้นดอนโขงใต้เมืองเก่า
ดอนโขงอยู่ใต้เวินข้องต่อหลี่ผี
หนีไปดอนไทยพุ้นดอนมดแดงแก้งส้มป่อย
ดอนนางลอยอยู่ใต้ไปหั้นแม่นทะเล
บ่อาจพรรณนาโค้งโขงกะโขหลายบ่อน
ไหลไปตกเมืองไซง่อนโขงกะสุดท่อนั้นไหลเลี้ยวสู่ทะเล โอ่

 

หมอลำจอมศรี บรรลุศิลป์     
บ้านหนองไม้ตาย ตำบลหนองเหล่า อำเภอม่วง จังหวัดอุบลราชธานี
   

 

ทิดหมู มักม่วน ได้ตามพยายามหาต้นฉบับกลอนลำล่องของนี้มานาน ก็ยังตามหาไม่เจอสักที ได้แต่กลอนล่องของที่คล้ายคลึงกันนี้ คงจะเป็นที่เป็นการด้นกลอนแต่ละครั้งไม่เหมือนกัน ที่บันทึกแผ่นเสียงกับกลอนที่บันทึกไว้ในสมุดกลอนลำจึงไม่เหมือนกันนัก ก็เอามาให้ฟังสองกลอนน้อ

ลำล่องของ หมอลำจอมศรี บรรลุศิลป์

 

redline

backled1

 

Loading...

isan word tip

isangate net 345x250

ppor blog 345x250

adv 345x200 1